Jjmklk

د خوشحال رباعيات

08.12.2011 18:10

د خوشحال رباعيات

          ((د خوشحال خان خټک رباعيات)) په ١٣٤٩ هـ ل کال کې د پښتو ټولنې د ادبياتو د څانگې لخوا په دولتي مطبعه کې په ((٢٩٩)) مخونو کې چاپ شوي دى . دا کتاب د سرمحقق عبدالله بختانى او د هغه د همکارانو لخوا چاپ ته تيار شو . ددې کتاب په پاى کې پوهاند صديق الله رشتين پر کتاب باندې سريزه ليکلي دى . په دې سريزه کې د نورو مطالبو په څنگ کې د هغو کسانو په اړه چې ددې کتاب په ترتيبو لوکې برخه اخستي ده . داسي يادونه شوى ده : ((د خوشحال د رباعياتو د نقلولو کار په اول ځل د ادبياتو په څانگه کې د ښاغلى محمد اسماعيل سړبن له خوا سرته ورسيد، پس له هغه د ښاغلى بختانى ، ځدران، سړبن، حبيب الله اپريدى او شاه ولى صافى له خوا د نورو چاپى او قلمي نسخو سره مقابله شو او بيا د ښاغلى حفيظ الله او سړبن لخوا پاکنويس کړى شو)) .